Briançoneko proban modalitate bakarra jokatuko dute: zailtasunezkoa. Oraingoaz, boulderra eta abiadurazkoak ez dituzte egingo. Lehen saioan, epaileek zehaztutako ibilbidea azkarren egiten duten 26 eskalatzaileak sailkatuko dira finalerdietarako. Hor egin gura du Linazisorok. "Azken hiru hilabetetan mendiko eskalada egiten egon naiz, proba hau prestatzeko. Abuztuko bi astetan Frantzia aldean egon naiz haitzean eskalatzen. Helburua, egutegiko lehen proba hau ondo prestatzea izan da", esan du.
Lehenengoa eta azkena?
Izan ere, Koronabirusaren eraginez, Nazioarteko Eskalada Federazioak berregituratu egin zuen proben egutegia. Horren arabera, zailtasunezko munduko kopa egutegiko lehen proba izango da, baina, akaso, baita azkena ere. "Irailetik aurrera jokatu beharko lirateke gainerako probak, AEB-etan, Korean eta Txinan. Baina, auskalo zer gertatzen den. Susmoa daukagu atzeratu edo bertan behera geratuko diren", dio.