Maitane eta Alex Arteaga anai arrebek zuzenean jo zuten abesti batekin abiatu zuten ekitaldi politikoa eta ondoren Lore Martinezek hartu zuen hitza; COVID-19ak euskarari eta kulturari egin ahalko dizkion kalteak arintzeko beharraz aritu zen besteak besteak, eta naziek Mauthausengo kontzentrazio-esparruan erail zuten bere senitarteko Pedro Axpe bergararra ere izan zuen gogoan: "Bergaran dago nire aitonaren anaiaren omenezko plaka: Pedro Axpe Sagasta, hemen jaio eta Alemanian, kontzentrazio-esparruan faxistek eraila, errepublikarra izateagatik".
Hain zuzen ere, Nerea Kortajarenak faxistei aurre egin behar zaiela adierazi zuen, besteak beste: "Zer nahiago duzue, faxista eta antifaxisten artean ekidistantzia eskatzen duen lehendakaria edo faxismoari aurre egiten diona?".
Kortajarenak hitza aurretik ekitaldiaren moderatzaileak elkarrizketa labur bat egin zion Bergarako alkate Gorka Artolari. Alarma egoera hasi zenetik egindako lanaz eta datozen hilabeteotan ere hartu beharko den neurriez aritu zen Artola, besteak beste.