Sua piztu da Bergarako Telefonicako eraikineko koadro elektrikoan. Udaltzainak joan dira bertara eta su-itzalgailuarekin itzali dute. Suhiltzaileak ere bertaratu dira eta Iberdrolara ere pasa dute abisua.
Bergarako Herrilagunak kalean dagoen Telefonicako eraikineko koadro elektrikoak sua hartu du iluntzean. Garrak atera dira eta herritarrek udaltzaingoan parte eman eta hara joan dira udaltzainak. Su-itzalgailu batekin amatatu dute sua. Segurtasun neurriak betez, baina, Iberdrolara ere pasa dute abisua eta suhiltzaileak ere joan dira, sua erabat itzalita zegoen edo ez ikusteko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
