Duintasuna elkarteko kide Itziar Usandizagak aipatu du, elkarretaratzeak egiteko sekula baino arrazoi gehiago dituztela. Gainera, azpimarratu du, plazan elkarretaratzeak egin ezean, astelehenero aldarrikapenak balkoietatik egin dituztela. Gauzak horrela, gaurko agerraldia segurtasun neurriak hartuta egin dute, distantziak errespetatuz eta maskarak jantziz, esate baterako.
Murrizketak
Usandizagak adierazi du, pentsiodunen aldarrikapenak beti izan duela lotura, osasun arloan, zaharren egoitzetan edota etxez etxeko zerbitzuan egin diren murrizketekin eta koronabirusak eragindako egoera honek, horiek agerian utzi dituela aitortu du.
Egoiliarrei omenaldia
Gaurko elkarretaratzean, gainera, adinekoen egoitzetan hil direnei omenaldia egin diete: "Egoiliar asko hil dira zaharren egoitzetan eta azken batean, egoitzak egoiliarrak duintasunez bizitzeko dira eta ez bertan hiltzeko. Horregatik, arlo honetan aldaketak egin beharko lirateke".