Hala ere, neurri bereziak hartu beharko dira bertan. Aurrez hartu beharko da hitzordua, telefonoz edo udal webgunean, eta maskararekin joan beharko da. Era berean, sartu bezain laster eskuak desinfektatu beharko dira eta itxaron gelan bi pertsona bakarrik egon ahal izango dira.
Elkarren artean bi metroko distantzia gorde beharko da. Eskudirurik ez dute jasoko eta ordainketak beste modu batean bideratuko dira. Bakarrik joatea eta puntualitatea eskatu dute. Era berean, arduraz jokatzera eta emango diren jarraibideei adi egotera deitu du Bergarako Udalak. Sintomarik izanez gero BAZera ez joatea eskatu dute.