Jakinarazi dutenez, herriko toki ezberdinetan argazki erraldoiak jartzeko asmoa dauka Bergarako Udalak. Lehenengo kokagunea Domingo Irala kalera ematen duen Seminarixoko fatxada izango dela azaldu dute eta bertan kokatuko duten argazkia aukeratzeko herritarren laguntza eskatu dute. Hemen eman daiteke botoa.
Honakoak dira argazkiak:
-1936ko San Martin plazako argazki bat
-1943ko Pazkoetako martitzeneko dantza txapelketa bat
-1963an umeen marrazketa lehiaketa plazan
Parte hartzeko deia
Ekimen honen helburua herriaren historiaren atalak kalera eta jendeaurrera ateratzea dela azaldu dute udaletik. Udal artxiboan "milaka" argazki daudela gogorarazi dute, edozeinek kontsultatzeko moduan. Norbaitek argazki horiei buruzko informazio gehiago badu, artxiboa@bergara.eus e-posta helbidera idaztea eskatu dute.
Bozketan parte hartzen dutenen artean, 50 euroko bi bono zozketatuko dituzte. Botoa emateko epea maiatzaren 21ean bukatuko da.