Udaletik jakitera eman dutenez, programa honen bidez deitutako diru-laguntzen zenbatekoa 35.000 eurokoa da, eta Gazteen etxebizitza alokairuak laguntza programa deritzon diru-partidaren kontura finantzatuko da. 2019an 15 eskaera jaso ziren, eta horietatik 13 onartu ziren. Horren kostua izan zen 28.335 eurokoa. 2020rako onartutako aurrekontua, aldiz, 35.000 eurokoa da (2019koa baino 5.000 euro gehiago). Diru kopurua agortu bitartean tramitatu ahalko da eskaera. Argibide guztiak, honako lotura honetan.