Hartutako neurrien artean, esaterako, kanpoan dauden herritarrei Finlandiara bueltatzeko dei egin die, turista zein ikasleei, eta etxera bueltatzerakoan hamabost egun irten barik egoteko esan die. Horixe gertatu zaie Ander Amasorrain bergararrari eta bere bikotekideari: "Londresen egon gara, eta handik bueltan etxean gaude orain. Baina konfinatuta egon arren, badugu aukera gureak diren etxe inguruko lurretan ibiltzeko, adibidez".
Amasorrainek etxetik egiten du lan, enpresaren aholkua jarraituz, baina haurtzaindegiko irakaslea da bikotekidea eta hark ezin hori egin. "Larrialdi egoera ezarri du Gobernuak apirilaren 13ra arte eta ikastetxeak itxita daude. Ekitaldi publikoak eta mugikortasuna gutxitzea aholkatu dute. Jatetxeak itxita daude, bertako janaria etxera eraman ahal da".