Martitzen arratsaldean, hilak 10, Bergarako udal pilotalekuan jokatu ziren XI. Soraluce lau eta erdiko txapelketako finalerdiak. Hala, promes mailan Unai Al-berdi azpeitiarrak 22-5 irabazi zion Oier Hormaetxeri.
Nagusien mailan, berriz, Iker Espinal iruindarra 22-10 nagusitu zitzaion Iñaki Elolari. Horrela, erabakita geratu ziren, finalean lehiatuko diren pilotariak: J. Fernandez eta Unai Alberdi lehiatuko dira promes mailan. Nagusietan, A.Etxeberria eta I. Espinal arituko dira.
Zaleei eskertze mezua
Otsailaren 4ean hasi zuten Soraluzeko lau eta erdiko pilota txapelketa. Aurtengoa hamaikagarren aldia izan du kaiolako txapelketak eta ohi moduan, maila handiko pilotariak ekartzen saiatu dira, zaleak erakarriko dituztenak. Hala, beste txapelketa batzuetan goian ibili diren pilotariak ikusteko aukera egon da. Era berean, eskerrak eman nahi izan dizkiete hasi zenetik gaur arte pilotalekura hurbildu diren pilotazaleei.