2019ko neguan Matxiategiko zuhaitz bat erori ondoren, eta aurretiaz ere beste bat erori zenez, Udalak teknikari espezializatu bati eskatu zion bertako ezkien egoerari buruzko ebaluazioa egiteko, halako kasuetan erabili ohi den prozedura jarraituta. Erresistografoarekin neurtu ondoren egurrean akatsak eta ustelduren sintomak aurkitu ziren, hausteko edo erortzeko arriskua ote dagoen adierazle izan daitezkeenak.
Ebaluazio horrek ondorioztatu zuen zuhaitzen bizitasun-mailan ez dagoela arazo berezirik, baina arriskuak ekiditeko neurri zuzentzaile bezala txostenaren ondorioetan proposatzen zen ezkien udaburuak beheratzea, zuhaitzen altuera gutxitzeko eta, modu horretan, haustura eta erorketak ekiditeko. Hala, 45 zuhaitzetan egin da interbentzio hori.