Otsailaren 4ean, martitzena, hasi dute Soraluzeko lau eta erdiko pilota txapelketa. Aurtengoa hamaikagarren aldia izango du kaiolako txapelketak eta Bergara pilota elkarteko pilotari bakarra izango da bertan: Ander Etxaniz bergararra.
Lehen jardunaldia, jokatuta
Hala, udal pilotalekuan jokatu zuten martitzenean promes eta nagusi mailetako final-laurdenen lehen jardunaldia. Hain zuzen, Fernandezek 22-6 irabazi zuen De la Fuenteren aurka promes mailan eta Zubizarreta 22-4 gailendu zitzaion Canabali nagusietan. Hemendik aurrera ere, partiduak martitzenetan jokatuko dituzte, 19:30ean, zazpi astez.
Datorren astean, Etxaniz
Urtero lez, maila handiko pilotariak ekartzen saiatu dira, zaleak erakarriko dituztenak. Hala, beste txapelketa batzuetan goian ibili diren pilotariak ikusteko aukera egongo da frontoian. Bergararren kasuan, Ander Etxaniz izango da lehiatuko den bakarra, eta, hain zuzen, datorren martitzenean arituko da.
