Tronpa, tronpeta eta tronboi doinuek Bergarako kaleak alaitu dituzte

Bergarako musika eskolan tronpa, tronpeta eta tronboia ikasten diharduten zortzi ikasle (9 eta 13 urte bitartekoak) eta bi irakaslea Bergarako kaleak alaitzen aritu dira gaur eguerdian. Herriko hiru gunetan aritu dira eta Jabi Arrondo, tronpeta irakasleak adierazi bezala, giro polita sortu da eta eguraldiak herritarrak gertutatzea lagundu du.

Esperientzia berriarekin "pozik"

Jabi Arrondok adierazi duenez, 2019ko irailean sortu zen ekimen hau egitearen ideia: "Ekimen honen helburua da musika kalera ateratzea eta ikasleek urtean zehar musika eskolan ikasten dutena kalean erakustea". Lehen esperientzia honekin gainera, pozik azaldu da Arrondo: "Oso gustora aritu gara. Gainera, eguraldia lagun izan dugu eta horrek herritarrak gerturatzea ahalbidetu du". Horrekin batera aipatu du asmoa dela bi edota hiru hilabetero esperientzia errepikatzea.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete