Bergarako aurreko Udal gobernuak 2019ko maiatzaren 29an esleitu zuen Amillaga kalea berrurbanizatzeko proiektuaren idazketa. Ekainaren 28an, berriz gaur egungo Udal gobernuak lan horiek aurrera eramateko dirulaguntza eskatu eta lortu zuen. Gauzak horrela, Zetabi enpresak azaroaren 12an aurkeztu zion Udalari proiektua eta data horietan Udal gobernuak hainbat bilera egin zituen Amillaga kaleko partikular eta enpresako ordezkariekin.
Udalaren asmoa da Amillagako lanak ahalik eta azkarren martxan jartzea, baina oraindik ez dago datarik zehaztuta. Izan ere, helburua da eremu horretan irisgarritasun irizpide guztiak bermatzea, baina eremu horretan dauden bi autobus geltokiek ez dute berau posible egiten. Horregatik, aipatutako bi autobus geltokiak 77 metro urrunduko dituzte lanak egin ahal izateko.