Gabonetako argiak pedalkadaka pizten

Energia garbia sortuta, Fraiskozuri plazan Gabonetako argiak piztea zen egitasmoaren helburua, eta Bergarako haur eta nerabeek ez dute hutsik egin: bizikletetako pedalei eraginez piztu dituzte zuhaitzetako argiak.

Dinamoen bidez, eta bizikletetako pedalei eraginez, zuhaitzetan kokatuta zeuden hainbat argi piztu eta Fraiskozuri plaza Gabonetako argi gehigarriekin apaindu dute hainbat gaztetxok. Ekimena duela lau-bost urtetik antolatzen da Bergaran, eta gaurkoan, nahiz eta eguraldia petral xamarra izan, haur eta nerabe ugari gerturatu dira pedalei gogotsu eragitera.

Maykolux enpresako Andoni Candamilek azaldu duen moduan, "helburua da konturatzea eta kontzientziatzea energia garbiarekin ere argitu ditzakegula gure herri eta hiriak".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.