Askotariko bertsoak egin behar izan zituzten sei bertsolariek: taldekako lana, kartzelako lana, agurrak, publikoak emandako lau oinei kantuan erantzun behar izatea... Umore ona nagusi eta tarteka ale ederrak ere entzuteko aukera, bada 2020an berriro antolatzeko nahikoa motibo; horretara gonbidatzen du antolakuntzaren balorazioak, behintzat: "Oso ondo joan zen dena, eta bertaratu zirenak oso gustura egon zirela esan digute".
Urtez urte hazten doan ekimena da Bergarako bertsolari txapelketa herrikoia. Aurten taldeka jokatu da eta finala abenduaren 27an izan zen, kartzela zaharrean. Kopla Barik bertso eskolakoen arabera, ia 200 lagun elkartu ziren final handian; Puntu puntuan (Oxan, Maite eta Artola) taldea izan zen nagusi Uharteko izkirak (Patxi, Enaitz eta Redondo) baino finago ibili zirelako.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak