Hainbat astetako kanporaketak gainditu ostean abenduaren 28an jokatu zuten Bergarako Kaleko Pilota Txapelketako finala, eta jai giroan pasatako egunari finalistek jarri zioten ginda, final ezin parekatuagoa jokatu zuten-eta. Hala, Jurjuk eta Danik 22-21 irabazi zieten Urrutiari eta Arrillagari.
Egun ederra pasa zuten Bergarako pilota-zaleek hilaren 28an. Guztira 68 bikotek hartutako txapelketako azken txanpa jai giroan ospatu zuten, pilota jaialdiarekin batera bazkaria, poteoa... eta aldarrikapenerako tartea ere hartu zutelako. Udal pilotalekuko harmailetan oso giro ederra egon zen eta esandako moduan, final handian pilotariek ez zuten kalerik egin. Borobila izan da, antolatzaileen esanetan, Kaleko Txapelketaren hirugarren edizioa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
