Kirola osasun iturri bihurtzeko asmoz, triatloi egokitu saila sortu gura du Antxintxikak. Hori horrela, ekimen horretara batu diren pertsonen, jatetxeen, enpresen eta bestelako eragileen ekarpenekin osatutako opari sortak dira zozketatuko direnak. Guztira, 32 sorta. Horietan, askotariko produktuak egongo dira: bazkariak, mendirako materiala, arropak, hoteletako egonaldiak, edatekoak, jatekoak, bizikletarako materiala... Eta baita, Arrasate-Udalatx igoerarako eta Aloñako igoerarako dorsal bana.
