Barikuan jokatuko da Bergarako taldekako bertso txapelketaren finala kartzela zaharrean. Kopla Barik bertso eskolak antolatutako txapelketak interes handia piztu du eta Pol-Pol tabernan egindako finalerdian publikoa "pozik" eta taberna "bete-beteta" zela aritu ziren bertsolariak taula gainean.
Uharteko Izkirak taldea (Patxi,Redondo eta Enaitz) izan zen lehen finalerdiko garailea eta bigarrena Punta-Puntan hirukoteak irabazi zuen (Maite, Oxan eta Artola). Beraz, abenduaren 27an, 22:30ean aurrez-aurre egongo dira bi taldeak txapela irabazteko lehian. Gai jartzaile moduan Ibon Leibar Txinbo arituko da, aurreko saioetan bezala.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.