Aurten, gainera, baziren osagai bi kontzertua are bereziagoa egin dutenak: batetik, 40. edizioa izan da; bestetik, Enrike Txurrukaren lehen Gabonetako kontzertua Bergarako Musika Banda eta Orkestra Sinfonikoa zuzentzen. Gainera, banda eta orkestra gaztetu egin dira, sartu berri diren musikariekin.
Kontzertua gorenera heldu zen azken partean, aurten, Alatriste filmaren soinu bandatik ateratako Ave Maria suitearekin. Hori guztia, amaiera-amaierako tuti-aren aurretik, Adeste fideles eta Hator hator ohikoen aurretik.
