Orotara, herriko 9 elkarte gastronomikok hartu dute parte aurtengo Nafar Feriako –21. edizioa– gastronomia lehiaketan. Patatak kokotxekin prestatu behar izan dituzte. Onenak Umore Onakoak –Juan Manuel Agirrezabal Pepelu eta Jon Aramendi– izan dira epai mahaiaren ustez. 53 puntu lortu dituzte. Sagarpe –Patxi Retolaza eta Agurtzane Azkarate– eta Artatse –Mikel Gomez eta eta Jose Mari Ilarduia Jim– geratu dira bigarren eta hirugarren. San Migelpe, Zazpi, Lasai Toki, Altsasu, Madura eta Gure Ametsa elkarteek ere hartu dute parte.
Turroiak, gazta, foie grasa...
Osterantzean, jende asko hurbildu zen zapatuan San Antoniora. Napar Bideak elkartearen eskutik, dozena bat gastronomia postu jarri zituzten ferian: txokolatea, turroiak, erroskillak, Erronkariko gazta, era guztietako hestebeteak, patea eta foie grasa… Txistulariak, Alai Taldea, Erraldoien Taldea eta bigantxak ere izan ziren, auzotarren gain, geroago eta jende gehiago hurbiltzen den Gabonen aurreko ferian.