Eguenean, hilak 12, jarriko dira salgai Bergarako Gabonetako kontzerturako sarrerak

2018ko Gabonetako kontzertua, Alfredo Gonzalez Chirlaqueren azkena.

Bergarako Gabonetako kontzertua abenduaren 21ean izango da, frontoian (20:30), eta eguen honetan, abenduak 12, hasiko dira sarrerak saltzen; Internetez lerro bakoitietarako sarrerak salduko dira –abenduaren 12an, 18:00etatik aurrera– eta Seminarixoko leihatilan, berriz, lerro bikoitietarakoak –abenduaren 12an eta 13an, 18:00etatik 20:00etara–.

Aurrerago sarrerarik geldituko balitz saldu barik, abenduaren 16tik aurrera guztiak jarriko dira salgai internetez.

Gehienez sei sarrera

Sarreraren prezioa izango da zortzi eurokoa; herritar bakoitzak sei sarrera erosi ahal izango ditu gehienez. Aldez aurretik sarrera guztiak salduz gero kontzertu egunean ez da leihatilarik irekiko. Kontzertu egunean 19:30ean irekiko da Udal Pilotalekuko leihatila eta kontzertua hasi baino hamar minutu lehenago itxiko dira ateak. 20:20tik aurrera ez da jendea frontoira sartzen utziko.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.