Bi urteren ostean azken emanaldia eskainiko du Alizia musikalak urtarrilaren 4ean, Donostiako Kursaalean, arratsaldeko 19:30ean. Bergarako Udalak doako autobus bat jarriko du Bergaratik Donostiara musikala ikustera doazenentzat.
Autobusa doan izango da 59 plazak bete arte eta ikuskizunerako sarrera dutenek aukera izango dute bertan joateko. Izen ematea Bergarako Musika eskolan izango da sarrera erakutsiz (telefonoz edo postaz ez da enkargurik hartuko), abenduaren 2tik aurrera (arratsaldeko 16:00etatik 19:00etara).
2020ko urtarrilaren 4ean autobusaren irteera 18:00etan izango da Bergaratik eta Donostiatik buelta 22:30etan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.