28. aldia du Amodiozko Gutunen Sariketak eta laugarren aldiz antolatu dute esaldien arlokoa. Urtarrilaren 6a da eskutitzak bidaltzeko azken eguna, eta urtarrilaren 17a esaldietarako.
Whatsappez edo mezuz bidal daitezke esaldiak, 605 71 24 69 zenbakira, edo postaz, amodiozkogutunak@gmail.com-era; gutunak ere, posta elektronikoz edo elkarteak Errotalde jauregian duen egoitzara eramanda.
Oinarriak 'Jardun.eus' atarian
2005ean edo lehenago jaiotakoek har dezakete parte aurtengo sariketan, eta lan guztiek jatorrizkoak, argitaragabeak eta euskaraz idatziak izan behar dute; horrez gain, lanek gutun forma izan behar dute –DIN-A4 orrietan eskuz eta ordenagailuz idatzita aurkez daitezke–.
Bost sari banatuko dituzte, eta, urtero moduan, otsailaren 14an, San Valentin egunean, Irizar jauregian izango da sari banaketa ekitaldia, 19:00etan.
