Gizarte zerbitzuetan zalantzak argitzen laguntzen dutela gogora ekarri du Udalak: "Bertan egin daiteke informazioa eskatu, kontrastatu, eta profesional desberdinen laguntza jaso. Espazio horren gainean azpimarratu nahi da erritmoa norberak jartzen duela, zerbitzu hau informazioa zein laguntza eskatu eta jasotzeko dela; horretarako inor ez dagoela derrigortuta salaketa jartzera".
24 orduko telefono zenbakia
Bestalde, Udalak oso baliagarria deritzo, baita ere, Eusko Jaurlaritzak martxan daukan 24 ordutako telefono zenbakia, erabat anonimoa dena, bai larrialdi kasuetarako zein gaiarekin lotutako edozein kontsulta egiteko: 900 840111.
Jabekuntza eskola
Horrez gain, Udalak 2018an Jabekuntza Eskola martxan jarri zuen, eta urtero ahalduntzea helburu duten hainbat ikastaro antolatzeko konpromisoa dauka. 2019ko eskaintzaren barruan, bukatu berri da Tuppersex ikastaroa, "oso arrakastatsua" izan da. Laster hasiko da hurrengo ikastaroa, maitasun erromantikoarekin lotutakoa. Honetan izena emateko aukera dago azaroaren 28ra arte. Interesatuek idatzi edo deitu dezatela berdintasuna@bergara.eus edo 943 779100 .
Egitaraua
Azaroak 21.
Hitzaldia. Estado de derecho y violencia de genero, Ixusko Ordeñana Gezuraga UNEDeko irakaslearen eskutik. UNEDen, 18:30ean.
Azaroak 25
Kontzentrazioa Emakume helduetan indarkeriarik ez lelopean. Duintasuna taldearen eskutik. Udaletxe aurrean, 12:00etan.
Endreduan izeneko kale ekintza. Martxanterak talde feministak antolatuta. San Martin plazan, 19:00etan. Honela azaldu dute ekintza Martxanterek: "Beste urte batzuetan egin izan den moduan, espazio publikoa hartuz ekintza politiko-artistiko bat egingo da herritarrekin batera. Bertan ondo azalduko da zein den helburua eta mezua, baina asmoa da: gorputzak eta irudimena erabiliz indarkeria matxistaren inguruko gogoeta sustatzea, begiradak zorroztea. Jardunaldietatik pentsakor bueltatu ginen, eta ikaspenak herrian lantzeko aukera ere izango da. Indarkeria matxista elkar-gurutzatzen den bestelako indarkeriak irudikatzeko, soka erraldoi bat egingo dugu denon artean eta gero bertan elkar-korapilatuko gara. Hainbat testigantza, testu eta poema entzungo dira bitartean".
-Zineklub zikloa Indarkeriatik haratago, emakumea protagonista zikloa asteazkenetan Seminarixoan 20:00etan:
Azaroak 6. Figuras ocultas.
Azaroak 13. En femme.
Azaroak 20. Custodia compartida.
Azaroak 27. Chicas nuevas 24 horas.
