Maren Galvez eta Gorka Granado, Euskal Herriko dantza solteko bikote gazte txapelduna

42. Euskal Herriko dantza solte txapelketa izan da Bergarako Seminarixoan, non 15 bikote gazte aritu diren. Maren Galvez lezoarrak eta Gorka Granado sopelarrak osatutako bikotea izan da onena eta Nekane Gabilondo, txapelketako antolatzaileak adierazi bezala, "txapelketa ondo irten da, bikote batek txapelketa amaitu ezin izan badu ere". Izan ere, Gabilondok aipatutako bikotea dantzatzen zebilen bitartean, kidetako batek min hartu du orkatilan eta ezin izan dute dantza amaitu.

Sarituak

Guztira zazpi sari banatu dituzte, lehenik, bi sari berezi –jantzi egokienari eta 12 urtetik beherako bikote onerari– eta ondoren, txapelketako bost sariak.

  • Jantzi egokienaren bikote irabazlea: Maitane Irurzun eta Gorka Duran.
  • 12 urtetik beherako bikote onena: Malen Arrizabalaga eta Enaitz Segurola.
  • 1. saria: Maren Galvez eta Gorka Granado.
  • 2. saria: Jule Elortza eta Elaia Elortza.
  • 3. saria: Olatz Azkue eta Mattin Etxebeste.
  • 4. saria: Jone Arriaran eta Eki Aizpuru.
  • 5. saria: Malen Arrizabalaga eta Enaitz Segurola.

"Maila altuko bikoteak"

Nekane Gabilondo pozik azaldu da, txapelketan parte hartu duten bikoteek erakutsitako mailarekin: "Bikoteek izugarrizko maila dutela erakutsi dute. Gainera, azpimarragarria da zein gustuko duten dantza egitea, berdin baitzaie bere bikotea kilometro askotara bizitzea". Horrez gain, honakoa ere aitortu du Gabilondok: "Mundu honetan badaude txapelketatan parte hartzen duten mutilak, baina geroz eta gutxiako dira, horregatik gaurko txapelketan ikusi den bezala, emakumeen arteko bikoteak osatzen hasi dira".

Erlazionatuak

Bikote gazteen Euskal Herriko dantza solte txapelketa, iruditan

Bergara

Argazki sorta honetan daude ikusgai, Bergaran jokatu den bikote gazteen Euskal Herriko dantza solte txapelketako irudiak.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.