Errusiar jatorria duen ballet dantza ikuskizuna Bergaran

La Spectre de la Rose ballet ikuskizuna eskainiko dute bihar, zapatua, Seminarixoan.

La Spectre de la Rose izeneko obra eskainiko du bihar 19:00etan, Uniquart Dance Company-k Seminarixoan.

Tamara Karsavina eta Vaslav Nijinksi dantzari errusiarrek 1911an sortu eta taularatu zuten akto bakarreko ballet ikuskizuna da La Spectre de la Rose izenekoa. Bergarako Seminarixoan, bihar, zapatua, 19:00etan ikusteko aukera izango da, Uniquart Dance Company-ren eskutik. Sarrerak 8 eurotan eros daitezke, Seminarixoko leihatilan eta Tickets.kutxabank.es atarian. 

 

Hainbat moldaketa eginda

Uniquart Dance Company-k Bergaran eskainiko duen dantza ikuskizuna, Vitali Safronkine koreografoak berridatzi du, ballet ameslari eta nostalgikoaren eremura ekarriaz obra originala; hori horrela, jatorrizko bertsioak ez zuen Nocturne izeneko musika konposizioa gehitu dio,  gauean inspiratutako pieza lirikoa da hori, pianoaz lagunduta dagoena, amets zoriontsuen eta baita tristeen gorazarre egiten diona.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.