'La trinchera infinita' filma gaur gauean iritsiko da Seminarixora

Gaurkoaz gain, domeka eta astelehenean ere izango da filma ikusteko aukera. Hain zuzen, domekako emanaldiaren ostean, zuzendariekin solasaldia antolatu dute.

Aurreko asteburuan estreinatu zuten La trinchera infinita filma zinema aretoetan eta gaur iritsiko da Bergarako Seminarixoa aretora, gaueko hamarretan. Hain zuzen, domekan, 19:30ean, eta astelehenean, 20:30ean ere eskainiko dute; gainera, domekan, filma aurkezten eta solasaldian arituko dira pelikularen zuzendariak. Hala, lanaren nondik norakoak azaltzeaz gainera, bertaratzen direnek iritzia eman eta solasaldian aritzeko aukera ere izango dute.

Filma arrakasta handia lortzen ari da publikoaren artean eta Donostia Zinemaldian lau sari jaso zituen; tartean, zuzendari eta gidoi onenen saria. Pelikulak etxean gotorpean, beldurragatik, 33 urte ematen dituzten gizon baten eta bere ingurukoen istorioa kontatzea du helburu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira.

TELEGRAM: Batu zaitez @GoienaAlbisteak kanalera.