Haizearen eraginez kalteak Bergarako hainbat gunetan

Aitziber Aranburuzabala Juldain 2019ko aza. 3a, 12:15

Haizeak gogor jo du bart gauean eta horren eraginez hainbat kalte material sortu ditu Bergaran, Udaleko brigadako langileak lanean aritu dira goiz osoan. Kaltetutako guneetan hesiak jarri dituzte eta herriko parkeak itxi egin dituzte.

"Besteak beste, Matxiategin eta bidegorriko hainbat tokitan zuhaitzak lurrera bota ditu eta Usondo parkean ere arrama asko apurtu ditu; hori dela-eta parke guztiak itxita ditugu gaur. Horrez gainera, zaborretako eduki-ontzietako tapa asko ere lurrean agertu dira eta baita etxe askotako loreontziak eta toldoak ere. Kalteak izan diren tokietan hesiak jarri ditugu. Zorionez kalte materialak izan dira bakarrik", azaldu du Bergarako Udaltzaingotik.

Bergarako Usondo parkean udaltzainak kalteak aztertzen.

Arrasaten, kalte txikiak

Bereziki Garibai etorbidean eta Araba etorbidean eragin ditu haizeak kalteak, hala adierazi dute Arrasateko Udaltzaingotik: "Garibai etorbidean zuhaitz bat lurrera bota du eta baita Adierazpen Libreko Guneko egitura metalikoa ere. Handik gertu dagoen Saiolan eraikinaren alboko kalea –Zerrajera kalea eta Araba Etorbidea lotzen dituena– itxi egin dugu, haizeak hesiak mugitu dituelako eta oinezkoei arriskurik ez eragiteko. Horrez gainera, Araba Etorbidean egiten ari diren obren inguruan hainbat arazo izan dira; izan ere, obretako hesiak bide erdian agertu dira, baina txukundu dugu dagoeneko. Zabor ontzi asko ere non-nahi agertu dira. Era berean, Udala auzoan Iberdrolako kableak bota ditu eta laster konponduko dute, baina ez dago arazorik".

Zerrajera kalea eta Araba Etorbidea lotzen dituen kalea itxi egin dute haizeak mugitutako hesiek oinezkoei kalterik ez eragiteko.

Garibai etorbidean Adierazpen Libreko Guneko egitura metalikoa bota du haizeak bart.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak