Txirrindularitza sustatzeko helburuarekin, bizikleta gainean jarduteko aukera izango dute neska-mutikoek zapatuan. Izan ere, Lokatzak antolatuta, Bizikleta Festa egingo dute zapatuan, 17:00etan hasita, Ibargarai kalean.
Jaialdia 2006 eta 2017 urte bitartean jaiotako neska-mutikoei zuzenduta dago, eta parte hartu nahi duten gazteek bizikleta edo mini-motoa eraman beharko dutela jakinarazi dute Lokatza-tik, eta baita kaskoa ere. Txirrindularitzaz gozatzeko ekintza ezberdinekin batera, Bergarako hainbat txirrindulari profesional ere bertan izango dira arratsaldean zehar.
