Besteak beste Artzain Onaren katedraleko organo jole titularra eta Katalunian organo irakaslea den Oscar Candedo antzuolarra kontzertua eskaini zuen atzo iluntzean Santa Marina parrokian, Organo Erromantikoaren Nazioarteko zikloaren barruan.
Joseph Gabriel Rheinberger konposatzaile alemaniarraren lanak izan ziren nagusi bertan, nahiz eta Guridiren Ave Maria ere jo zuen Candendok. Organo jolearekin batera Easo Gazte abesbatza ere izan zen kontzertuan; horiek, gainera, aldarera jaitsi ziren azken bi abestietarako.
Santa Marinako organoa
Atzokoa, Santa Marina parrokiako organoan aritzen zen hirugarren aldia izan zen Oscar Candendorentzat, eta nahiko gustura aritu zela esan arren, organoarekin lotuta badu zerbait esateko: "Santa Marinako organoak baditu akats batzuk, eta laguntza dena San Pedroko organoari bideratzea ondo dagoen arren, komeni da bestea ere apur bat zaintzea". Zikloari dagokionez, horrelako ekimenen garrantzia azpimarratzen du: "Oso ondo dago Bertako jendeak organoa ezagutu eta gozatzeko aukera izan dezan".
