"Oso ondo joan da asteburua eta jendea animatu da; bereziki zapatu iluntzean 19:00etatik 21:00ak bitartean. Eta domekan, lasaiago izan bada ere, edo eguraldi kaxkarragatik, etorri dira azokara", kontatu du Bedelkarreko lehendakari Maitane Azkaratek. "Pop up formatuari esker momentu puntual batean denda Oxirondora eramateko aukera izan dugu. Hala, dendan daukagun lagin bat herritarrei erakutsi diegu. Formatu honi esker, begirada batean hainbat dendetako eskaintza eskura daukate herritarrak. Sorpresaren bat edo beste ere izaten da; izan ere, espero ez dituzten gauzak ere bilatzen dituzte-eta normalean joateko ohitura ez duten dendetan".
