Anai, Astigarragan sortu den Power Duo-a da. Energiaz beterik aurkezten dute beraien rock progresiboa. 2018an, beraien lehen lana aurkeztu zuten, Pentsatu, Eraiki izenarekin. Orain, beraien diska berria prestatzen ari diren bitartean, hurrengo lanaren lehen singlea aurkeztuko dute, Eskerrikasko galtzaile.
Tenpera, Donostiako 18-20 urte bitarteko hiru gaztek osatzen dute. Estilo aldetik rock alternatiboa jotzen dute 90 hamarkadako influentziarekin, noise-rock edota punk arloan murgilduta. Duela urte bat hasi zuten proiektua eta harrezkeroztik Donostiako areto ezagunenetan jo dute. 2017ko azaroan bi abestiz osatutako lehenengo EP-a atera zuten eta 2019ko Urriak 1ean, beraien bigarren EP-a atera berri dute.
