Abian da kirol argazki lehiaketa

Iazko kirol argazki lehiaketako irabazlea

XXIX. kirol argazkien lehiaketa jarri du abian Bergarako udalak, Arizondo argazkilari elkartearekin batera. Lanak aurkezteko azken eguna azaroaren 6a izango da eta epaimahaiak azaroaren 9an emango ditu jakitera irabazleak.

Zortzi sari

Edizio honetan zortzi sari banatuko dira. Koloretan eta zuri-beltzean aurkeztu daitezke lanak eta modalitate bakoitzeko sari bikoitza banatuko da. Aurkeztutako lanen artetik herriko bi onenak ere aukeratuko ditu epaimahaiak. Modu horretan, lehen sariak 210 euro eta trofeoa jasoko du, bigarrenak 180 euro eta trofeoa eta hirugarrenak, 150 euro eta trofeoa. Herriko onenak, berriz, 120 euro eta trofeoa jasoko du.

Argazkien entrega

Azaroaren 6a izango da lanak entregatzeko azken eguna eta lanok Bergarako Udala Agorrosingo kirol gunera (Boni Laskurain, 21) bidali beharko dituzte.

Lehiaketan parte hartzeko baldintzak

Lehiaketa bat den heinean, aurkeztutako argazkiek baldintza batzuk bete beharko dituzte.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.