Bergara Hiriko finaleko partiduaz gain, udal pilotalekura gerturatu zirenek, nagusien mailako beste erakustaldi batez gozatzeko aukera izan zuten. Izan ere, Leire Garai eta Olatz Ruiz de Larramendik, mendean hartu zuten Arrate Bergara eta Nora Mendizabal (22-19).
Hala, Bergara Hiria antolatu dutenek eskerrak eman dizkiete txapelketan parte hartu duten pilotari guztiei eta baita, udal pilotalekura partiduak ikustera gerturatu diren herritarrei ere. Bergarako Udalak emandako laguntza ere eskertu dute antolakuntzatik.
