Bergarako Martxanterak talde faministak Durangon egingo diren Euskal Herriko V. jardunaldi feministetan parte-hartzeko deia luzatu die herritarrei. Hala, informazio txokoa jarriko dute egubakoitzean Irala kalean, "zalantzak argitzeko, kuxkuxeatzeko eta izena emateko aukerarekin". Era berean, jakinarazi dute izena emateko azken eguna urriaren 7a dela.
Jardunaldietara gerturatzeko, elkarrekin joateko antolatzen dabiltza: "Egunero azokatik abiatuko gara eta asmoa autoz joatea da". Antolatu eta elkarrekin joan nahi duenak martxantera@gmail.com helbidera idatzi edo txokora hurbil daiteke.
Irakurketa foroa
Urriaren 9an "Feminismoa denon kontu da" liburuaren irakurketa foroa errepikatuko dute, "pendiente gelditu ziren gai batzuk landuz". Oraingo honetan, udal liburutegian izango da 17:30-19:30.
"Feminismoa denon kontua da" Bell Hooks aktibista feminista afroamerikarrak idatzi zuen feminismoaren inguruan hedabideek zabaldutako aurreiritziak baztertzeko helburuarekin. Hooks-ek, Estatu Batuetako feminismoaren sorrera eta ibilbidea azaltzen ditu. Baita borroka feministak arraza, klase eta sexualitatearekin dituen konexio eta deskonexioak ere. Liburu honek, feminismoak barnebiltzen dituen kontzeptu konplexuak sintetizatu eta guztiontzako eskuragarri uzten ditu.
