Era berean, aurtengo kanpainan estreinatu den ur txorroten gunearen zoruak arazoak sortu zituen bereziki uda hasieran. Eroriz gero, zenbait umek urratuak eta bestelako zauriak egin zituzten eta horrek kexak eragin zituen bereziki ume horien gurasoen artean. Kirol Zerbitzuak zorua arintzeko lanak egin zituen eta ordutik arazoak arindu egin dira. Hala ere, hurrengo urtean gune horrek nola funtzionatuko duen ez dute erabaki.
Udaleko Kirol Zerbitzuak Agorrosingo udako datuak eman ditu jakitera. Ekainaren 14tik irailaren 13ra 75.000 sarrera izan zituzten: "Ez dugu daturik jakiteko sarrera horiek gero kiroldegiko zein zerbitzu erabili zuten". Kanpoko igerilekuan zortzi egunetan izan zuten erabiltzaile gehiegi eta egun horietan mugatu behar izan zuten kanpoko igerilekuko edukiera. Bestalde, urrian abiatuko diren 74 ikastaroetarako 1.113 lagunek eman dute izena.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak