Partidu borrokatua jokatu zuten atzo arratsaldean Ipintzan Bergarak eta Añorgak.
Añorgak aurre hartu zuen
Añorga talde indartsua da, beteranoa; eta, zelaian ere hori erakutsi zuten. Etxekoek baino gehiago izan zuten baloia. Hori horrela, lehenengo zatian, falta bidez egin zuten 0-1ekoa.
Etxeko taldeak, baina, ondo defendatu zuen eta erasoan aukera politak sortuta berdinketa lortu zuen. Banako berdinketaren gola bigarren zatian egin zuen Haizea Arriaranek.
"Bidezko berdinketa izan da", azaldu zuen amaieran Manu Diaz BKEko kirol zuzendariak.
Lander Ugarte entrenatzaile berria
Bergarak talde berria eta gaztea du, eta baita entrenatzaile berria ere: Lander Ugarte. Ligako aurkari gogorrenetariko batean aurka puntu bat irabaztea ontzat eman dute bergararrek. Hurrengo astean Urolaren aurka jokatu beharko dute.
