Antzerkia hezkuntza tresna garrantzitsua da eta tailerrak ludikoak direla gogoratu dute antolatzaileek. "Ahozko eta gorputzezko adierazpena modu dinamikoan lantzen da, eta metodologia parte hartzaileak talde lana, elkartasuna eta hausnarketa bultzatzen ditu". Helburuen artean daude norberaren eta gainontzekoen gorputzen ezagutza, pentsatu, arrazoitu eta kritikatzeko gaitasuna eskuratzea; ahozkotasuna eta komunikazioa lantzea; eta noski, hizkuntza eta hiztegian sakontzea.
Tailer guztiak Zabalotegi aretoan izango dira. Helduen antzerki eskolakoek astean ordu eta erdiko saioak egingo dituzte eta hileko kuota da 22 euro (Bazkideek 17 euro).
Haurren zein gazteen antzerki eskolakoek astean ordubeteko saioak egingo dituzte eta hileko kuota da 17 euro (Bazkideek 12 euro).
