Futbol partiduak ez dira soilik baloi jabetzarekin irabazten, eta gaurkoan hori bizi izan dute futbolari mahoneroek. Lehen zatian baloiaren jabe izan dira, baina horrek ez du saihestu atsedenaldira atzera joatea. Kontraerasoan egindako gol bati esker, 0-1 ekoarekin joan dira aldageletara bi taldeak. "Partidua kontrolpean izan dugu lehen zatian, eta esango nuke Añorga baino sendoago aritu garela, nahiz eta markagailuan atzetik joan" azaldu du Barkerok.
Bigarren zatia hasi eta gutxira etxekoek lehia berdindu dute, 1-1. Bazirudien partidua etxekoen alde jar zitekeela, baina Añorga benetan fin aritu da kontraerasoan, eta hala lortu ditu garaipena eman dizkioten beste bi golak ere. "Emaitza ez da ona izan, baina asko gustatu zait baloiarekin egin duguna. Liga hasi besterik ez da egin, eta baditugu gauzak hobetzeko; baina baloiarekin fin bagabiltza emaitzak helduko dira, seguru".
