Arratsaldeko lehen neurketan Avironek 2-0 irabazi dio Gazteluzarrari. Gero, lapurtarrek 2-1 hartu dute mendean Bergara –Ibai Leizeagak egin du etxekoen gola–. Azkeneko neurketan, berriz, Markel Garairena izan da gola.
"Bi neurketetan antzera pasatu zaigu, dominatu egin dugu, baina kontraerasoan arriskua sortu digute, eta horrela iritsi dira golak", zioen Barkerok, liga hasi aurreko asteetan landu beharreko gauza dela aitortuz.
Dena dela, baloiarekin taldeak egindako lanarekin pozik agertu da: "Aukerak sortu ditugu". Duen taldearekin "oso gustura" dagoela zioen, eta fisikoki ari direla puntua hartzen: "Hori da orain garrantzitsuena".
