Bolo jokoa, umeendako jolasak, meza, pintxoak eta kalejira izan dituzte, besteak beste, goizean. Bazkaldu ermitan egin dute eta musika eta kantu saioa dute orain. "Joan den urtean baino herritar gehiago batu gara eta oso ondo doaz jaiak, bai", dio Ekain Aranberri auzotarrak.
Aurreko urteetan moduan aurten ere egin dute bolo jokoa. Martin Mujika izan da irabazlea eta Mikel Iraurgi bigarren sailkatua. Botaldi onenaren saria berriz, Andoni Mujikak irabazi du.
Umeendako ere prestatu dituzte jolasak eta oso ondo ibili direla esan du Ekain Aranberri auzotarrak.
Auzo bazkarian 50 lagun elkartu dira eta ermitan bazkaldu dute guztiek elkarrekin. Arratsaldean musika eta kantu saioa dute eta afaltzeko, berriz, berakatz-zopa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.