Jose Miguel Laskurainek Ton.pendium Emsemble Wien orkestra zuzenduko du azaroan

Bergarako Txistulari Bandako zuzendari den Laskurainek Ton.pendium Emsemble Wien orkestra zuzenduko du Vienan (Austria), azaroan. Haren esanetara jardungo dute nazioartean entzute handiko hainbat musikarik, Matei Iochimescu flauta-jole errumaniarrak, esaterako.

Kontzertu horrez gain beste hitzordu garrantzitsu batzuk ere baditu Laskurainek datozen hilabeteotan: Debabarreneko orfeoia zuzenduko du Deban, Elgoibarren, Salamancan eta La Alberca herrian; Bergarako musika eskolako orkestra Santa Zezilia egunean, Bergaran; Alizia musikala Kursaalean (Donostia) 2020ko urtarrilaren 4an; eta apirilean, Belarusko Irrati-Telebistako Orkestraren gidaritza hartuko du beste behin ere Minsken (Bielorrusia).
 
Laskurain Bergarako musika eskolako irakaslea da, baita Debabarreneko orfeoiaren zuzendaria ere.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete