Mikel Aristi nagusi Portugalgo itzuliko bigarren lasterketan

Mikel Aristi, Euskadi Murias taldeko txirrindulari bergararra, Portugalgo itzuliko bigarren lasterketako irabazlea izan da. Aristi gainera, gaurko garaipenari esker, bigarrena da sailkapen orokorrean.

Talde garaipena

Aristik, lasterketa amaitu ostean honakoa adierazi du: "Taldeak izugarrizko lana egin du eta garaipena beraiei eskaintzen diet". Sailkapen orokorrari buruz ere mintzatu da bergararra: "Nire helburua lehen hiru lasterketak dira eta ez sailkapen orokorra. Gainera, lasterketa gogorrak ditugu aurretik eta denbora galtzeko aukerak ditut". Hala ere, pozik azaldu da garaipenagatik: "Lasterketa gogorra izan da, baina ondo sentitu naiz eta pozik nago lortutakoarekin". 

Seigarrena Euskadi Murias taldeak

Jon Odriozola, Euskadi Murias taldeko managerra ere pozik azaldu da Aristiren garaipenarekin: "Aristik lortutako garaipena garrantzitsua da guretzat, biharko Klasikoa beste jarrera batekin hasiko dugulako". Eta dagoeneko taldeak sei garaipen lortu dituela aipatu du: "Honekin dagoeneko sei garaipen lortu ditu taldeak eta horrek izugarrizko esanahia du guretzat". 

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.