Udaletxeko bergararren arreta zerbitzua abuztu osoan egongo da zabalik, astelehenetik egubakoitzera –07:30etik 14:30era–, abuztuaren 15ean eta 16an izan ezik. Agorrosin egunero egongo da zabalik, salbuespenik gabe, 09:00etatik 21:00etara.
Udal liburutegia itxita egongo da abuztuaren 3tik 25era eta Labegaraietako kiroldegiak ere itxi egingo du, abuztuaren 5etik 18ra; gainerako egunetan kiroldegia irekita egongo da 10:00etatik 14:00etara eta 16:00etatik 22:30era.
Laboratoriuma eta turismo bulegoa
Bisitariei begira, Laboratorium eta turismo bulegoa egunero egongo dira zabalik: astelehenetik zapatura, 10:00etatik 14:00etara eta 16:00etatik 19:00etara, eta domeketan 10:00etatik 13:00etara. Udal artxiboa abuztu osoan zehar egongo da zabalik, 08:00etatik 15:00etara.