Ekolber enpresak Ekintzailetza Berritzailearen Toribio Echevarria Saria jaso du

Toribio Echevarria Sarien 29. edizioa izan da, gaur eguerdian, Eibarren, eta Ekolber enpresa bergararra izan da sarituetako bat, hain zuzen, Enpresa Berria kategoriako eta Eibarko Udalaren sari berezia jaso ditu.

29. edizio honetan, guztira 37 proiektu aurkeztu dira eta Ekolber enpresa bergararra horietako bat izan da, sari bikoitza jaso dituelarik. Lehen saria, Enpresa Berria kategorian lortu du, teknologia jabedun patentatu baten bidez eta kolageno ugariko abeltzaintzako hondakinetatik, kautxu termoplastiko berri bat fabrikatu izanagatik. Bigarren saria, Eibarko Udalaren eskutik jaso du, 10.500 eurorekin. Laguntza ekonomikoaz gain, PADEM (Ekintzaileentzako eta Start-Upentzako Zuzendaritza Programa Aurreratua) prestakuntza programan parte hartzeko aukera izango du enpresa bergararrak.