Iaz Realak eta Osasunak jokatu zuten zelai berean eta oraingoan emakumezkoen taldeak zelairatuko dira. Realak Erreginaren kopa irabazi du aurten eta Osasuna, lehen mailara igotzeko lehiatzen aritu da. Gainera, aipatzekoa da datorren denboraldian Mikel Bakaikoa, bergararrak gidatuko duela talde gorritxoa beraz, Bakaikoak herrikideen aurrean egingo du debuta abuztuaren 3an.
Sarreren salmenta
Partiduko sarrerak Agorrosingo txarteldegian salduko dira abuztuaren 2an, 17:00etatik 19:00etara bitartean eta egunean bertan 9:00etatik aurrera. Nagusiek bost euro ordaindu beharko dituzte eta umeek, hiru euro.