San Pedro eliza beteta, Bergarako Orfeoia Mozart abesten ikusteko

Kontzertu sinfonikoa egin du gaur Bergarako Orfeoiak. Hiru obra sinfoniko-koral eskaini dituzte, eta bergararrek lagun izan dute Ganbera orkestra. San Pedro eliza bete egin da Eine Kleinen Nachtmusik G major, Missa C major "Sparrow mass", eta Vesperae solennes de Confessore piezak entzuteko.

Azken urteetako Bergarako Orfeoiaren proiektuek ahots asko eskatzen zituzten, eta horregatik, beste talde batzuekin batera eskaini dituzte, azkeneko urteetakoak adibidez, Oñati Abesbatzarekin. Oraingoan, baina, talde txikiagoan kantatzeko aproposak diren errepertorioa osatu dutenez, Orfeoiko kideak izan dira bakarrik kantuan, guztira, 65 laguneko abesbatza eta lau bakarlari, eta alboan izan dute 22 lagunek osatutako ganbera orkestra.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.