Baldintzak
Argazkiak zuri-beltzean edo koloretan izan daitezke eta edozein teknika edo prozedura onartuko dira. Aurkezteko baldintzak berriz, honako hauek izango dira: 30x40 zentimetroko kartulinaren gainean aurkeztu beharko dira, kristalik eta markorik gabe eta lan bakoitzaren atzeko aldean argazkiaren izenburua eta egilearen datu pertsonalak jarriko dira (izena, abizenak, helbidea, telefonoa eta NAN zenbakia). Lanak gainera, San Joxepe elkartean entregatu beharko dira, urriaren 1a baino lehen.
Sariak
Sari banaeta urriaren 19an izango da, San Joxepe elkartearen lokalean, 12:00etan. Epaimahaiak hiru sari emango ditu (lehen sariak 200 euro, bigarrenak 170 euro eta hirugarrenak 130 euro) eta laugarrena (100 euro), herritarrek erabakiko dute.
Erakusketa
Lehiaketako epaimahaiak aurkeztutako lan guztietatik 30 aukeratuko ditu, Bergarako San Joxepe jubilatuen etxean ikusgai egongo direnak. Erakusketa zabalik egongo da urriaren 10etik 20ra bitartean.