'The Soul Jacket' taldearen emanaldia

Orain dela hamar urte baino gehiago Galiziako Rias Baixasko bihotzetik sortutako taldea da The Soul Jacket, eta une honetan Galiziako talde garrantzitsuenetakoa da rock & roll & blues estiloan. Baina Vigoko talde honek, bere garaiko beste talde gehienek ez bezala, ez du inolako arazorik estilo horretatik aldentzeko eta bere kezka guztiak azaltzeko, musika "itsaskor" batek ezartzen dituen mugetatik harago eginez. Soinu afro-latinoak eta 8 minutu baino gehiago irauten duten gaietan hirurogeigarren urte amaierako psikodelia kaliforniar hartatik eratorritako doinuak biltzeko erraztasuna, berezkoa ez ezik beharrezkoa ere du talde honek.
Jatorrizko musika beltzaren lurralde ezkutuetan areago barneratu dira sei musikari hauek, azken diskoan lurralde horiek protagonismo handiagoa hartzen baitute funkari eta musika afro-latinoari hurbiltzen zaizkion pasarte instrumentalak lagun, tartean erritmo biziko groove hipnotizatzaileak, betiere Hegoaldeko Rhythm & Blues eta Soul estiloen bakuntasuna alde batera utzi gabe. Egokiera aprobetxatuz gizarteak aurre egin beharreko benetako arazoei adarretatik heltzeko.