Bigarren aldiz antolatu dute emakumezkoen San Fermin pilota txapelketa. Zortzi bikote lehiatuko dira: lau nagusien mailan eta beste lau 18 urtez azpikoetan. Hala, Tuteran jaio baina Bergaran bizi den Arrate Bergara pilotariak 18 urtez azpikoen kategorian jokatuko du.
Finalerdiak uztailaren 6an eta 7an izango dira, Lizarran. Bergarak Katixa Agorretarekin osatuko du bikotea; eta Leire Oskozen eta Ane Mendibururen aurka jokatuko dute. Finalak uztailaren 13an jokatuko dituzte, Iruñeko Labrit frontoian, 11:30ean. Euskal Telebistak zuzenean eskainiko ditu finaleko pilota partiduak.
